Parku i Liqenit të Paskuqanit dhe transformimi i veriut të Tiranës
Tirana po zgjerohet me ritëm të shpejtë dhe veriu i qytetit po bëhet gjithnjë e më i rëndësishëm në këtë zhvillim. Zona që më parë shiheshin si periferi, sot po lidhen ngushtë me qytetin përmes infrastrukturës së re, ndërtimeve të reja dhe hapësirave publike.
Një nga pikat kryesore të këtij zgjerimi është Bulevardi i Ri.
Bulevardi i Ri, një pol i ri urban
Bulevardi i Ri po merr gradualisht një rol tjetër në hartën e Tiranës. Përgjatë tij po zhvillohen godina të larta multifunksionale, ambiente biznesi, shërbime dhe funksione të reja publike.
Në zonë janë parashikuar gjithashtu investime të rëndësishme infrastrukturore dhe institucionale, përfshirë stacionin e ri hekurudhor dhe struktura të tjera administrative. Kjo po e kthen Bulevardin e Ri nga një zonë zgjerimi në një pol të ri të qytetit.
Pjesë e këtij zhvillimi është edhe Tirana Boulevard, i pozicionuar përgjatë këtij aksi.
Zhvillimi, megjithatë, nuk ndalet këtu. Ndërsa Tirana zgjerohet më tej drejt veriut, kufiri mes qytetit dhe zonave si Paskuqani po bëhet gjithnjë e më pak i dukshëm. Ndërtimet e reja dhe investimet publike po krijojnë një vazhdimësi urbane që e lidh Bulevardin e Ri me zonat përtej tij.
Paskuqani po ndryshon profilin rezidencial
Paskuqani po kalon nga një zonë kryesisht periferike në një zonë me interes më të madh për banim. Pallatet e reja dhe përmirësimet në infrastrukturë po shtojnë ofertën për familjet që kërkojnë të qëndrojnë pranë Tiranës, por me alternativa më të përballueshme se në zonat qendrore.
Në këtë ndryshim po ndikon edhe zhvillimi i Parkut të Liqenit të Paskuqanit.
Liqeni i Paskuqanit, një aset i ri për Tiranën
Parku ndodhet rreth 20 minuta larg qendrës së Tiranës dhe përfshin një pedonale me korsi biçikletash, ambiente sportive, hapësira për fëmijë, amfiteatër dhe sipërfaqe të gjelbra.
Ky lloj investimi po ndryshon mënyrën se si shihet kjo zonë për banim. Një shembull është Farka, ku afërsia me liqenin dhe zhvillimi rezidencial përreth kanë ndikuar në rritjen e interesit për prona.
Paskuqani ndodhet në një fazë më të hershme, por drejtimi i zhvillimit është i qartë. Kombinimi i ndërtimeve të reja, aksesit me Tiranën dhe parkut të liqenit e bën zonën gjithnjë e më tërheqëse për familjet dhe blerësit që kërkojnë alternativa jashtë unazës së vogël.
Për tregun imobiliar, kjo e bën Paskuqanin një nga zonat që ia vlen të ndiqet në vitet e ardhshme.
Prosperity Real Estate